ОЗИЕВ АХЬМАДА ТАРЖАМАШ

ОЗИЕВ АХЬМАДА ТАРЖАМАШ
КАВКАЗ
Кавказ сона к1ала я. Латт со цхьаь д1аэтта
К1айча лай т1а лакхача лоаман ахка йисте:
Цхьа аьрзи гаьннарча лоам т1ара хьалг1етта
Лел тайжа хьалъайенна сона нийсса.
Укхазар гу сона тоатолий бухдувлар,
Унзарча токхамий юххьанцар меттахь хьер.
Уккхаза сона к1алха, морхаш йолх саббараг1,
Хоз чудетталуча кхуркхилгий уж таташ,
Царна к1алха я уж ерзан йоккхий чхараш;
Лохехь екъа к1отарг а, ба заьлза из xьaгl;
Кхы а лохехь хьунаш я, баьццара 1енаш,
Цигга кхувсалуш лел саьрч, дек оалхазараш.
Кхы лохехь б1енаш даь нах бахаш ба цигга,
Хьаьнача баьцал жа лел лоаман босешка,
Жа-ly к1алвувл безамеча атаг1ашка,
1ин бердашка юкъе удача Арагва,
Х1аьта къе говрбаьри ч1оже тебача,
Бирсача сакъердамашца Тирк ловзача,
Аьшка цхарал чура хьахьежа кхача байча,
Къона аькха санна да из ловзаш, увг1аш,
Бердах детталу из пайда боаца дорх еш,
Цо мотт хьекх цу бердех мецача талг1ешца…
Пайдаза! Дегаг1оз, даар цунна доацаш да:
Из бирса ва къувлаш меттаза лоамаш да.

Forum

This entry was posted in Без рубрики. Bookmark the permalink.

Comments are closed.